Яндекс.Метрика

Самара җирендә «Түгәрәк уен» фестивале гөрләде — «Өмет» газетасы

26 октября, 2012
Самара җирендә «Түгәрәк уен» фестивале гөрләде

Хуш исле нарат урманына сыенып урнашкан «Циолковский» санаториесы үзенең корпусларын кунаклар карамагына бирде һәм урман эчендәге стадион аллы-гөлле татар киемнәреннән гөлбакчага әверелде.

 — «Түгәрәк уен» киң күләмле бер зур хәрәкәткә әйләнде, дип бүген курыкмыйча, икеләнмичә әйтә алабыз,- ди фестивальне оештыручыларның берсе — Татарстанның традицион мәдәниятне үстерү үзәге җитәкчесе Фәнзилә Җәүһәрова.

— Соңгы елларда төрле төбәкләрдә яна төркемнәр барлыкка килде һәм, шуның уңай нәтиҗәсе буларак, быел бәйгедә катнашучылар саны сизелерлек дәрәҗәдә артты. Иллегә акын үзешчәнне — жыр- бию остасын берләштергән Иске Кулаткы районы сәнгать төркеме ин зур делегацияләрнең берсе иде. Безиен һәвәскәрләр жиде номинациядә дә катнашып, жюри һәм тамашачы игътибарына барлыгы унбиш номер тәкъдим иттеләр. «Чишмә» дип исемләнгән ветераннар хоры (сәнгать җитәкчесе — Рәсим Гафуров) хәзерге заман һәм борынгы әби-бабаларыбыз йолаларын бергә үрелдереп, Кулаткы мишәрләре диалектында «Кыз урлау» фольклор-этнографик композициясен күрсәтсәләр, адрнын ир-егетләр вокаль төркеме «Егетләргә ел тиз уза» җырын баш- һәм «Вокаль ансамбль» номинациясендә җиңүче исемен яуладылар. Ветераннар коллек¬тивының хореография төркеме исә борынгы «Алтылы биюе»н баш-карып, кабат өченче урынга ия булды. — Бу бәйгедә мин менә инде дүртенче тапкыр катнашам,- ди хорның оста җырчысы һәм гармунчысы Роберт Ягодин. — һәм һәрвакыт башка төбәкләрдә яшәүче милләттәшләребезнең матур, кабатланмас чыгышларына хәйран калам, сокланып туялмыйм. Биредә халкыбызның нинди генә милли йолалары күрсәтелми: яна туган балага исем кушу, Сабантуй бәйрәме күренешләре, никах үткәрү йоласы… Самарадан илһам һәм рухи көч туплап кайттым. — Шушы хозур бәйрәмне бер тапкыр күргән кеше анда кабат килергә, катнашырга омтыла,- ди хорның солисткасы Акилә Шахут- динова. Мәрьям Нарбикова җитәкче-легендәге «Кирюшкино авылы моңнары» сәнгать коллективы әлеге фольклор бәйгесендә беренче тапкыр гына катнашуына да карамастан, зур уңышка иреште — икенче урынга лаек табылды. Горурлыгыбыз чиксез: бу иҗат төркеменең җырчысы Нурия Кушаева башкарган мөнәҗәт һәм Роберт Ягодинның саратов гармунында уйнаган «Иске Кулаткы мишәрләре такмаклары» 5 нче фестивальнең иң асыл җырлары, көйләре һәм бәет-мөнәҗәтләре тупланган музыкаль дискта урын алачак. Халык авыз иҗаты фестивалендә яшь үзешчәннәрнең дә күпләп катнашуы татар рухының киләсе буыннарга күчә баруы турында ачык сөйли. Иске Кулаткы район үзәге сәнгать мәктәбенең «Шаян нот- калар» уен кораллары, «Карлы¬гачлар» вокаль һәм «Изюминка» бию төркемнәре (сәнгать җитәк¬челәре — Рәсим Гафуров, Венера Деникаева һәм Галина Михеева) бу юлы аерым-аерым да, бергә кушылып та «Балалар фольклор- этнографик коллективлары» номинациясендә чыгыш ясадылар. — «Түгәрәк уен «да быел без тәүге тапкыр катнаштык,- ди «Изюминка» бию төркеменең сәнгать җитәкчесе Галина Михеева. — Мастер-класслар алдык, башкаларны карап, үзебезне күрсәтеп, бик күп файдалы алым¬нар, матур хисләр туплап кайттык. «Карлыгачлар» вокаль төркеме «Шәһри Болгар» бәетен һәм «Шэрлэрэмә авылы кыйссасы»н башкарып өченче урынга чыкты. Яшь үзешчән Эльвира Деникаева «Васыять» мөнәҗәтен аһәңле яңгы¬ратып, «Фестивальнең киләчәге» дипломын алу бәхетенә иреште. — Беренче «Түгәрәк уен»ны без әби-бабайлар белән генә уздырган идек. Э быел биредә яшьләрнең күплеге, аларның фольклор коллективларда кызыксынып шөгыльләнүләре, җыр-биюләребезне отып калып, үзләренең оныкларына да тапшырырга әзер булулары чиксез куандыра,- дип чын ихластан шатлануын белдерде Фәнзилә Җәүһәрова. Шунысы да игътибарга лаек: Кулаткы районы һәвәскәрләре быелгы юбилейлы фестивальгә яңа сәхнә киемнәреннән бардылар, һәр коллективка һәм һәр катнашучыга тулы комплект (шул исәптән аяк киемнәре дә) өр-яңа костюмнар — барлыгы илле милли сәхнә киеме тектергәннәр. — Шушы игелекле гамәле өчен милләт жанлы, иманлы якташыбыз Эдуард Әнвәр улы Ганеевка олы рәхмәтебезне юллыйбыз,- ди делегациянең җитәкчесе Венера Деникаева. — Үзешчәннәребез өчен милли костюмнар булдыру макса¬тында ул 500 мең сумлык матди ярдәм күрсәтте. Өстәвенә, фести¬вальгә баруга бәйле чыгымнарны да тулысыңча каплады әле. Россия күләмендә танылып өлгергән меценат юбилей фестиваленә бүләкләр дә әзерләгән иде. Танылган шагыйрь Сәгыйть Сүңчәләй һәм күренекле дин әһеле Хәбибулла хәзрәт Хансөяров исемендәге призлар белән беррәггән, әлеге халык авыз иҗаты бәйгесенә биш ел дәвамында тугры булып калган һәм аны әзерләүгә зур өлеш керткән фидакарь милләт-тәшләребезгә  Фәнзилә Җәүһәрова җитәкчелегендәге оештыручылар төркеменә махсус бүләк тапшырды. «Түгәрәк уенының төп һәм даими иганәчесе буларак чыгыш ясап, ул бәйрәмнең гаҗәеп дәрәҗәдә уңышлы узуын билгеләп үтте. — Татар халкы гомер-гомергә җырлап яши. Татар урман кискәндә дә җырлаган, урак урганда;да көйләгән, шахтада күмер чапканда да моңланган. Бүгенге сәнгать бәйрәме халкыбызның гасырларга сузылган тарихын, рухи һәм мәдәни мирасын ачык итеп күз алдына китерү мөмкинлеге тудырды. Димәк, без — татарлар, исән-сау, халкыбызда аддагы мең елда да яшәү өмете бар әле,- диде ул. Венера ДЕНИКАЕВА, Иске Кулаткы районы делегациясе җитәкчесе:

— Милләт җанлы, иманлы якташыбыз Эдуард Әнвәр улы Ганеёвка олы рәхмәтебезне юллыйбыз. Үзешчәннәребез өчен милли костюмнар булдыру максатында ул 500 мең сумлык матди ярдәм күрсәтте. Өстәвенә, фестивальгә баруга бәйле чыгымнарны да тулысыңча каплады әле. «Түгәрәк уен» фестиваленең төп бүләге — гран-при Самара өлкәсенең Камышлы районы Иске Ярмәк авылында уңышлы гына эшләп килүче «Ак каен» халык фольклор ансамбленә бирелде. Э «Тулпар ат» сыны мәркәзебез Казанга юл алды. Киләсе елда узачак Универсиаданың бер мәйданын тулысыңча фольклор ансамбльләре карамагына тапшыра¬чаклар икән.

Римма АЛЬКАЕВА.

Новости оперативно узнаем в нашем телеграм-канале.







Күптән түгел генә - 22 август кичендә Иске Кулаткы эшчеләр бистәсенең үзәк мәйданы шау-гөр килде. Шат күнелле балалар үзләренен әти-әниләре һәм мөгаллимәләре белән бергә каядыр барырга әзерләнәләр кебек. Әнә, зур, комфортабельле автобус килеп туктаган. Аңлашылды, бу балалар ата-бабаларыбыз ислам динен рәсми рәвештә кабул иткән изге җиргә - борынгы, чал тарихлы Болгар шәһәренә барырга җыенганнар икән. Укытучы апалары аларны кертеп урнаштырганнан соң, шыгрым тулы автобус ерак юлга кузгалып та китте. Иске Кулаткы район үзәгенең 1 һәм 2 нче санлы урта мәктәпләре укучылары - барлыгы 41 бала һәм биш укытучы борынгы бабаларыбыз мен ел элек көн күргән, хак вә пакь динебез исламны ирекле рәвештә кабул иткән Болгар каласына юл тоттылар. 

 ...Дүрт йөз чакрымнан артык юлны җиңел генә, исән-имин үтеп, менә, ниһаять, без Болгар җиренә аяк басу бәхетенә дә ирештек. Ап-ак таштан корылган биналарның хәрабәләре һәм болгар цивилизациясенә караган тарихи ядкарьләр - археология һәйкәлләре ерактан ук күзгә ташлана.

Шәһри Болгар Татарстан Республикасының көньяк-көнбатыш өлешендә, Идел елгасының сул як ярында урнашкан. Әлеге кала - Бөек Идел Болгарстаны дәүләтенең беренче башкаласы, ә Болгар җире - барча мөселман кардәшләребез өчен дә иң кадерле, изге урын-нарның берсе. 922 елда Алмыш хан тарафыннан ислам динен дәүләт дине сыйфатында рәсми рәвештә кабул итү Болгар дәүләте тормышында гаҗәеп дәрәҗәдә мөһим роль уйный. Әйтик, борынгы төрки язуы гарәп язуына алмашына. Исегезгә төшереп үтәбез: рус халкы христиан диненә бары тик 76 елдан соң гына күчә.

Тарихи мәгълүматларга караганда, Болгар шәһәре 10 нчы гасырда төзелгән. Алтын Урда ханы Булак-Тимер 1326 елда аны җимерә, тар-мар итә. Ләкин шәһәрнең алтын куллы осталары яңадан торгызуга ирешәләр. Озак та үтми, 1431 елда Мәскәү кенәзе Федор Пестрый гаскәрләре борынгы каланы янә хәрабә хәленә китерә. Шуннан соң шәһәр халкы бу җирләрне бөтенләй ташлап китәргә мәҗбүр була һәм кала беркайчан да торгызылмый инде. Борынгы шәһәр урыны хәзерге вакытта мәдәни-архитектура һәйкәле, ягъни дәүләт тарафыннан сакланучы тарихи тыюлык булып санала.

Борынгы ата-бабаларыбыз шәһәр салу өчен бик тә уңайлы урынны - Идел елгасының биек, текә ярын сайлаганнар. Табигатьнең әлеге гүзәл почмагы бер яктан рәхәтләнеп, җәелеп китеп балык тоту һәм кыргый хайваннарга ауга йөрү мөмкинлеге биргән, икенче яктан Болгар халкын зур, биек корылма саклаган, ә өченче ягында киң су юлы башланып киткән. Әгәр елга агымы буенча аның югары өлешенә барсаң, Балтыйк диңгезенә, ерак Төньякка килеп чыгасың, ә аскы өлеше җылы көньякка - Каспий диңгезенә барып тоташа. Мәгърур Идел ул чорда ук инде тирә-юньдә сәүдә елгасы булып исәцләнгән. Заманында сәүдәгәрләр аны «Бөек Идел юлы» («Великий Волжский путъ») дип йөрткәннәр. Мәгълүм ки, Болгарстан дәүләте халкы Урта Азия, Кытай, Византия илләре һәм күрше Русь белән тыгыз элемтәдә торган, сәүдә эшләрен киң күләмдә алып барган. Мисал өчен, сәйләннән һәм көмештән чигелгән өс һәм аяк киемнәре, агачтан, алтыннан, көмештән, бакырдан һәм бронзадан ясалган кыйммәтле, бик тә затлы әйберләр, шулай ук сары балчыктан гаҗәеп оста итеп эшләнгән бизәкле савыт-сабалар, сугыш кораллары белән сәүдә иткәннәр. Әнә, юка күн ясау серләре бары тик болгар осталарына гына билгеле булган икән. Болгарлар тулаем Европада беренчеләрдән булып чуен һәм корыч кою белән шөгыльләнә башлаганнар.

Шулай итеп, Бөек Идел Болгарстаны елдан-ел ныгый барган. 10-14 гасырларда биредә бик күп яңа биналар, йөзләгән мәчетләр һәм мәдрәсәләр сафка бастырылган. Сокланмый һәм горурланмый мөмкин түгел: биредә торак йортларны таштан, ягъни кирпечтән салганнар. Әйе, КИРПЕЧне беренчеләрдән булып безнең болгар бабаларыбыз уйлап тапканнар. Әнә, таштан корылган Кара пулат, Кече манара, Төньяк Мавзолей, Хан төрбәсе, чиркәү биналары безнең көннәргә кадәр әйбәт сакланганнар. Соңгы елларда Шәһри Болгар күзгә күренерлек дәрәҗәдә үзгәргән, искиткеч яңарган. Тарихи- мәдәни мирасны саклап калу ниятендә фәнни тикшеренүләр һәм реставрация эшләрен киң масштабта җәелдереп җибәргәннәр, шулай ук шактый гына туристлык һәм сәяхәт маршрутлары ачылган.

Татарстан Республикасы җитәкчелеге федераль дәрәҗәгә ия объектны - Болгар дәүләт тарихи- архитектура тыюлыгын саклап калу һәм төзекләндерү мәсьәләсенә зур игътибар бирә. Шатлыгыбыз чиксез: Болгар тыюлыгы берничә ел элек ЮНЕСКО халыкара оешмасының Бөтендөнья мәдәни мирасы исемлегенә кертелгән.

Болгар... Нинди бөек һәм гүзәл сүз! Биредә дистәләгән буыннарның чал, шанлы тарихы бөртекләп саклана.   Соңгы егерме биш ел эчендә ул Идел буе төбәгендә көн күрүче Россия мөселманнарының - традицион ислам тарафдар, ларының милләтебез һәм динебез тарихына баш ию урынына әверелде. Шуңа да ел саен уздырылган «Изге Болгар җыены»нда илебезнең төрле почмакларыннан, ерак чит илләрдән килгән меңләгән милләттәшебез катнаша.

Шунысы да игътибарга лаек: хәзер әлеге тарихи шәһәрне саклау, үстерү мәсьәләләре белән «Яңарыш» хәйрия фонды шөгыльләнә. Бу фондка мөхтәрәм шәхес - Татарстанның беренче президенты, ТРның Дәүләт киңәшчесе Минтимер Шәрип улы Шәймиев җитәкчелек итә.

Безгә Болгар тарихи тыюлыгы территориясендә урнашкан Икмәк музеенда булырга да насыйп итте. Биредә Икмәк музее ачып җибәрү проектын Татарстан Премьер- министры урынбасары - авыл хуҗалыгы һәм азык-төлек министры Марат Әхмәтов тәкъдим иткән. Аның сүзләренчә, музей ачуның төп максаты агроэтнографик мирасны саклаудан һәм күбәйтүдән гыйбарәт. Иске Кулаткы балалары ашлыкны үстерү, эшкәртү һәм икмәк пешерү технологиясен зур кызыксыну белән карадылар, шунда ук пешкән икмәктән бик теләп авыз иттеләр.

Борынгы Болгар җиренә сәяхәтебез искиткеч файдалы һәм мавыктыргыч булды, күңелләрдә фәкать уңай тәэсирләр генә калдырды. Экскурсоводлар укучыларга Болгар җире турында бик күп яңалыклар җиткерделәр.

Җәйге каникуллар тәмамланыр алдыннан күренекле якташыбыз - атаклы меценат Эдуард Әнвәр улы Ганеев укучыларга шундый зур бүләк ясады, аңа рәхмәтебез әйтеп бетергесез. Ул борынгы Болгар җиренә бару өчен автобус белән тәэмин итеп, юл чыгымнарын тулысынча каплады, өстәвенә, һәрбер укучы балага 1әр мен сум күләмендә юл сәдакасы да бирде әле. Шуңа күрә укучылар барлык экскурсияләрдә дә теләп катнаштылар, туйганчы ашадылар һәм әти-әниләренә, туганнарына матур догалыклар, истәлекле бүләкләр дә алып кайттылар.

Әлеге истәлекле сәяхәтне оеш-тыру максатында бик күп көч һәм тырышлык куйган мәчет мөгалли-мәсе Зәйтүнә апа Абдюшевага да олы рәхмәтебезне җиткерәбез.

Әлфия ЗАИТОВА, Иске Кулаткы бистәсе 2 нче санлы урта мәктәбенең татар теле һәм әдәбияты укытучысы.
Шәһри Болгарга СӘЯХӘТ — Өмет» газетасы, №38, 21.09.12